Священник: Пресвятая Богородица, спаси нас.
Лик: Пресвятая Богородица, спаси нас.
Священник: Слава Отцу и Сыну и Святому Духу.
Лик: И ныне и присно и во веки веков.
Священник: Пресвятая Богородица, спаси нас.
Лик: Пресвятая Богородица, спаси нас.
Священник: Слава Отцу и Сыну и Святому Духу.
Лик: И ныне и присно и во веки веков.
Священник: Пресвятая Богородица, спаси нас.
Лик: Пресвятая Богородица, спаси нас.
Священник: Слава Отцу и Сыну и Святому Духу.
Лик: И ныне и присно и во веки веков.
Лик: Спаси от бед/ рабы Твоя, Богородице,/ яко вси по Бозе/ к Тебе прибегаем,/ яко Нерушимей Стене и Предстательству.
Призри благосердием,/ Всепетая Богородице,/ на мое лютое/ телесе озлобление,/ и исцели души моея болезнь.
Ектения малая
Диакон: Паки и паки миром Господу помолимся.
Хор: Господи помилуй.
Диакон: Заступи, спаси, помилуй и сохрани нас, Боже, Твоею благодатию.
Хор: Господи помилуй.
Диакон: Пресвятую, Пречистую, Преблагословенную, Святую Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.
Хор: Тебе, Господи.
Священник: Яко Твоя держава, и Твое есть Царство, и сила, и слава, Отца и Сына и Святого Духа, ныне и присно и во веки веков.
Хор: Аминь.
Священник: Вонмем. Премудрость. Вонмем. Прокимен, глас 4. Помяну имя Твое во всяком роде и роде.
Лик: Помяну имя Твое во всяком роде и роде.
Священник: Слыши дщи и виждь и приклони ухо твое.
Лик: Помяну имя Твое во всяком роде и роде.
Священник: Помяну имя Твое.
Лик: Во всяком роде и роде.
Священник: Господу помолимся.
Лик: Господи помилуй.
Священник: Яко Свят еси, Боже наш, и во святых почиваеши, и Тебе славу возсылаем, Отцу и Сыну и Святому Духу, ныне и присно.
Лик: Аминь.
Священник: Всякое дыхание да хвалит Господа.
Лик: Всякое дыхание да хвалит Господа.
Священник: Хвалите Его во святых Его хвалите Его вси силы Его.
Лик: Всякое дыхание да хвалит Господа.
Священник: Всякое дыхание
Лик: Да хвалит Господа.
Священник: И о сподобитися нам слышанию Святаго Евангелия Господа Бога молим.
Лик: Господи помилуй (трижды)
Священник: Премудрость. Прости. Услышим святаго Евангелия чтение. Мир всем.
Лик: И духови Твоему.
Священник: От Луки святаго Евангелия чтение.
Лик: Слава Тебе Господи, слава Тебе.
Диакон: Вонмем.
Священник: Во дни оны воста́вши Мариа́м во дни ты́я, и́де в го́рняя со тща́нием, во град Иу́дов. И вни́де в дом Заха́риин, и целова́ Елисаве́т. И бысть я́ко услы́ша Елисаве́т целова́ние Мари́ино, взыгра́ся младе́нец во чре́ве ея́, и испо́лнися Ду́ха Свя́та Елисаве́т. И возопи́ гла́сом ве́лиим, и рече́: благослове́на Ты в жена́х, и благослове́н плод чре́ва Твоего́. И отку́ду мне сие́, да прии́де Ма́ти Го́спода моего́ ко мне? Се бо, я́ко бысть глас целова́ния Твоего́ во у́шию мое́ю, взыгра́ся младе́нец ра́дощами во чре́ве мое́м. И блаже́нна Ве́ровавшая, я́ко бу́дет соверше́ние глаго́ланным Ей от Го́спода. И рече́ Мариа́м: вели́чит душа́ Моя́ Го́спода, И возра́довася дух Мой о Бо́зе Спа́се Мое́м. Я́ко призре́ на смире́ние рабы́ Своея́, се бо, от ны́не ублажа́т Мя вси роди́. Я́ко сотвори́ Мне вели́чие Си́льный, и свя́то и́мя Его́. (И ми́лость Его́ в ро́ды родо́в боя́щимся Его́. Сотвори́ держа́ву мы́шцею Свое́ю: расточи́ го́рдыя мы́слию се́рдца их.Низложи́ си́льныя со престо́л, и вознесе́ смире́нныя. А́лчущия испо́лни благ и богатя́щияся отпусти́ тщи. Восприя́т Изра́иля о́трока Своего́, помяну́ти ми́лости, Я́коже глаго́ла ко отце́м на́шим, Авраа́му и се́мени его́ до ве́ка.) Пребы́сть же Мариа́м с не́ю я́ко три ме́сяцы, и возврати́ся в дом Свой.
Лик: Слава Тебе Господи, слава Тебе.
Священник: Пресвятая Богородица, спаси нас.
Лик: Пресвятая Богородица, спаси нас.
Священник: Слава Отцу и Сыну и Святому Духу.
Лик: И ныне и присно и во веки веков.
Священник: Пресвятая Богородица, спаси нас.
Лик: Пресвятая Богородица, спаси нас.
Священник: Слава Отцу и Сыну и Святому Духу.
Лик: И ныне и присно и во веки веков.
Священник: Пресвятая Богородица, спаси нас.
Лик: Пресвятая Богородица, спаси нас.
Священник: Слава Отцу и Сыну и Святому Духу.
Лик: И ныне и присно и во веки веков.
Лик: Спаси от бед/ рабы Твоя, Богородице,/ яко вси по Бозе/ к Тебе прибегаем,/ яко Нерушимей Стене и Предстательству.
Призри благосердием,/ Всепетая Богородице,/ на мое лютое/ телесе озлобление,/ и исцели души моея болезнь.
Диакон: Помилуй нас, Боже, по велицей милости Твоей, молим Ти ся, услыши и помилуй.
Лик: Господи помилуй (трижды)
Диакон: Еще молимся о Великом Господине и отце нашем Святейшем патриархе Кирилле, и о Господине нашем высокопреосвященнейшем митрополите (имярек), и всей во Христе братии нашей.
Лик: Господи помилуй (трижды)
Диакон: Еще молимся о богохранимой стране нашей, властех и воинстве ея, да тихое и безмолвное житие поживем во всяком благочестии и чистоте.
Лик: Господи помилуй (трижды)
Диакон: Еще молимся о милости, жизни, мире, здравии, спасении, посещении, прощение и оставлении грехов рабов Божиих (имярек) и братии святаго храма сего
Лик: Господи помилуй (трижды)
Диакон: Еще молимся за всю братию, за вся христианы
Лик: Господи помилуй (трижды)
Священник: Услы́ши ны, Бо́же, Спаси́телю наш, упова́ние
всех конце́в земли́ и су́щих в мо́ри дале́че, и ми́лостив, ми́лостив бу́ди,
Влады́ко, о гресе́х на́ших, и поми́луй ны. Ми́лостив бо и
человеколю́бец Бог еси́, и Тебе́ сла́ву возсыла́ем, Отцу́, и Сы́ну, и
Свято́му Ду́ху, ны́не и при́сно, и во ве́ки веко́в.
Лик: Аминь.
Диакон: Ко Пресвятей Пречистой Преблагословенной и славной Владычице нашей Богородице и Приснодеве Марии со умилением сердец помолимся.
Лик: Пресвятая Богородица спаси нас.
Священник: О преблагословéнная Влады́чице нáша Богорóдице! Вы́сшая Небéс и вся гóрняя вóинства превосходя́щая, простри́ ру́ку Твою́ держáвную на нас, недостóйных раб Твои́х, и сохрани́ мир и безмятéжие в лю́дех правослáвных, свящéнники благослови́, монáхи защити́, лю́ди вся умири́, вóинство же укрепи́, град сей соблюди́, и нас всех, моля́щихся Тебé пред пречи́стым óбразом Твои́м, покры́й Свои́м человеколю́бием. И я́коже дрéвле даровáла еси́ оби́тели Кутеинстей и всему́ грáду Орши от ерети́ческаго зловóния избавлéние, тáко и ны́не избáви нас от вся́кия сквéрны духóвныя. И я́коже не остáвила еси́ преподóбнаго Афанáсия в годи́ну тя́жкую, тáко и нас, малоду́шных, во врéмя скорбéй нáших не остáви, Влады́чице, но бу́ди нам всем отра́да и утешéние. Да сподóбившеся ми́лости Твоея́, получи́м грехóв нáших оставле́ние и жития́ нáшего исправлéние. Ты бо еси́ Мáти нáша и засту́пница, немощны́х си́ла и малоду́шных крéпость! Ты нáше уповáние и покрóв! Исцели́ нас от вся́кия болéзни душéвныя и телéсныя, дáруй нам, Дéво Преблагáя, в житии́ нáшем тишину́ и покóй. И сподóби ны, егдá яви́тся Судия́ Вселéнней во вторóм пришéствии Своéм, вни́ти в Небéсное Цáрство, идéже вси святи́и прославля́ют в Трóице слáвимаго Бóга, Отцá и Сы́на и Святáго Ду́ха, и Твоé ми́лостивое предстáтельство, ны́не и при́сно и во вéки векóв.
Лик: Ами́нь.
Лик: Величаем Тя Пресвятая Дево Богом избранная отроковице, и чтим образ Твой святый, им же точиши исцеления.
Диакон: Премудрость
Священник: Пресвятая Богородице спаси нас.
Лик: Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Священник: Слава Тебе, Боже наш, слава Тебе.
Лик: Слава Отцу и Сыну и Святому Духу, и ныне и присно и во веки веков. Аминь. Господи помилуй (трижды). Благослови.
Священник: Христос Истинный Бог наш, молитвами Пречистыя Своея Матере и всех святых, помилует и спасет нас яко Благ и Человеколюбец.
Лик: Господи помилуй (Трижды).